Jamai No 1 18th December 2024 Written Update:

Jamai No 1 18th December 2024 Written Update

Episode ki shuruaat hoti hai jab Riddhi Kanchan se kehti hai ki unhe Gangadhar ke ghar jaake khana khana chahiye. Kamlesh bolta hai, “Agar puja poori kiye bina wapas aaye, toh Parameshwari hume nahi chhodegi.” Riddhi insist karti hai ki Neil galat hai, Gangadhar nahi. Kanchan maan jaati hai aur kehti hai ki wo Gangadhar ke ghar chalengi.

Riddhi Gangadhar ko batati hai, “Hum zarur tumhare ghar aayenge, par mere aur Neil ke shaadi ke baare mein sochna bhi mat.” Neil sarcastically bolta hai, “Mujhe tumse koi interest nahi hai, aur tumse shaadi karna mere liye suicide hoga.” Gangadhar Neil ko chup rehne ke liye kehta hai. Riddhi ka parivaar wahan se nikal jata hai. Gangadhar Neil se kehta hai ki wo yeh sab baat Sumati ko na bataye. Neil reply karta hai, “Agar Sumati ko pata chal gaya, toh wo Riddhi ke family ko nahi chhodegi.”

Riddhi’s Family at Gangadhar’s House
Kuch der baad, Sumati Riddhi ke family ka welcome karti hai. Wo Riddhi se kehti hai, “Right leg se ghar ke andar aana.” Kanchan sarcastically bolti hai, “Sumati bhi trap karne ki koshish kar rahi hai.” Sumati confused ho jaati hai. Gangadhar Riddhi ke family ko andar bulata hai. Jaise hi Riddhi ghar mein enter karti hai, Shivling par ek mala gir jaati hai. Sumati ye dekhkar Gangadhar se poochti hai, “Kanchan aisa kyun bol rahi thi?” Gangadhar kehta hai, “Pehle khana serve karo.”

Neil Kamlesh aur Vicky ko haath dhone ke liye le jata hai. Kamlesh aur Vicky Neil ki financial condition par baat karte hain. Neil unhe paani deta hai, aur Kanchan wipes nikalti hai. Riddhi wipes nahi hone par haath dhone chali jaati hai. Neil ki behen Sumati se kehti hai, “Riddhi ka parivaar high-class lagta hai.” Sumati kehti hai, “Outfit nahi, dil accha hona chahiye.” Wo ye bhi notice karti hai ki Neil aur Gangadhar usse kuch chhupa rahe hain.

Neil’s Prank and Dinner Drama
Neil Kamlesh aur Vicky ko sabak sikhane ke mood mein hota hai. Wo AirPods laga ke dance karne lagta hai aur unhe paani mein bheeg deta hai. Riddhi wahan aati hai aur wo bhi bheeg jaati hai. Neil mazak mein act karta hai ki sab kuch accidently hua. Phir wo Riddhi ko towel deke chala jata hai.

Kamlesh Kanchan se bolta hai, “Yahan AC ya cooler bhi nahi hai.” Kanchan sarcastically bolti hai, “Gangadhar pehle apni wellbeing ke liye puja kar lete.” Sumati unka ye sunke gussa ho jaati hai, par Gangadhar use react karne se mana karta hai. Riddhi bolti hai, “Kanchan floor pe nahi baithegi.” Neil kehta hai, “Hum isi tarah khaate hain.” Gangadhar agree karta hai ki Riddhi sahi hai aur table arrange karne ke liye kehta hai.

Neil ghar ke available cheezon se dining table arrange karta hai. Jab Riddhi ka parivaar dinner start karta hai, Kamlesh aur Kanchan bolte hain ki khana acha nahi hai. Neil batata hai, “Yeh prasad hai, aisa hi hoga.” Riddhi bina kuch kahe sab khana kha leti hai, jo Gangadhar ko impress karta hai. Gangadhar Sumati se kehta hai, “Riddhi apne parivaar se alag hai.” Sumati disagree karti hai, “Wo apne family jaisi hi hai.”

The Dakshina Drama
Kanchan Gangadhar ko dakshina deti hai, par Gangadhar sirf 500 rupees accept karta hai aur bolta hai ki wo isse zyada nahi le sakta. Kanchan isse insult samajh ke bolti hai, “Gangadhar mujhe impress karne ki koshish kar raha hai, taki future me double amount le sake.” Sumati usse chup rehne ke liye kehti hai.

Episode Ends